Ниҳоят Ўзбекистонда ҳам 5G интернет ишлай бошлади. Ucell алоқа оператори 15-16 май кунлари 5G интернетни синовини ўтказди. Энди мобил интернет тезлиги секундига 1 Гб.гача бўлади. Компания ўтказган тақдимотда йиғилганлар янги авлод интернетидан фойдаланиб, тезкор интернетни ўз кўзлари билан кўришди. Айни пайтда Tashkent City бизнес-маркази ҳудудида 5G ишлаяпти. Компания бошқа ҳудудларга ҳам янги станциялар ўрнатишни бошлаб юборган. Тез орада Ўзбекистон бўйлаб 5G интернет ишлай бошлайди. Фақат 5G станция ҳудудида ишлатиш мумкин бўлган 5000 сўмлик интернет пакети 5 кун амал қиларкан. Кейинчалик ўзгартиришмаса, бу нарх мен кутгандан кўра арзонроқ. Ucell компаниясидан буёғига ҳам яхши хабарлар кутиб қоламиз.