Кейинги ўнйилликларда қатор давлатлар коррупцияга қарши курашда кўп муваффақиятларга эришди. Асосан жамоатчилик назорати, ўзаро тийиб туриш воситалари ва очиқлик туфайли. Лекин халқаро бюрократиянинг (номларини санаб ўтиш шарт эмас, қоида бўйича ҳаммаси) коррупциялашгани кун тартибидан четга қолиб кетаётганди. Аслида коррупциянинг энг хардкор кўриниши айнан Халқаро бюрократияга таалуқли. Шу билан бирга халқаро бюрократиянинг ҳаддан зиёд коррупциялашувига бутун дунё бўйлаб диктатуранинг, автократия ва умуман тоталитаризмнинг авжланаётгани жиддий ва катта сабабдир. Халқаро комиссиялар, ташкилотлар ва чиновникларга пора узатмаган диктатор ва авторитар раҳбарлар бормикан ўзи?