​​​​Америка Кенгашлари ўзбекистонлик ўқувчиларни FLEX дастурида ўқишга таклиф қилади FLEX дастури мактаб, лицей ёки коллеж ўқувчиларига мўлжалланган бўлиб, АҚШда бир ўқув йили мобайнида алмашинув бўйича ўқиш имкониятини беради. Дастур Ўзбекистоннинг турли бурчакларидан келган ўқувчиларгаларга АҚШ ўрта мактабида ўқиш имкониятини беради.2022-2023 йил учун FLEX дастурига ҳужжат топшириш жараёни онлайн равишда амалга оширилади. Дастурда қатнашиш ҳамма учун очиқ ва бепул бўлиб, танловда имконияти чекланган шахслар ҳам иштирок этиши мумкин. FLEX 2022-2023 ўқув йили учун ҳужжатларни қабул қилиш 13 сентябрда бошланган. Аризалар қуйидаги ҳавола орқали қабул қилинади. Аризаларни қабул қилишнинг охирги муддати — 2021 йил 15 октябр. Дастурда қатнашиш учун ўқувчилар 2005 йил 1 январдан 2007 йил 15 июлгача бўлган даврда туғилган ва мактабда 9, 10 ёки 11-синфларда, ёки лицей, коллежнинг 1 ёки 2 босқичида ўқиётган бўлиши; ариза топшираётган пайтда Ўзбекистон мактабида таълим олаётган ва истиқомат қилаётган бўлиши; яхши ва аъло баҳоларда ўқиши; инглиз тилини аъло даражада ўзлаштириш ва танлов доирасида ушбу маҳоратни намоён эта олиши; Америка визаси талабларига жавоб бериши ва Ўзбекистон фуқароси бўлиши талаб этилади. Веб-сайт | Telegram | Facebook | Instagram | реклама