Янги Ўзбекистон Россиядан хавфсизроқ ва эркинроқ мамлакат Бугун ОАВ ва тармоқларда асли ўзбекистонлик, меҳнат мигрантларининг энг машҳур ҳимоячиси Валентина Чупик ҳибсга олингани ҳақида хабарлар тарқалди. Валя опанинг Ўзбекистонга депортация қилиниши ортидан унга турли босим ва ҳатто қийноқлар қўлланилиши ҳақида хавотирлар янграмоқда. Назаримда бу хавотирлар мутлақо асоссиз. Эски Ўзбекистонга нисбатан проекция асосида тўқилган ваҳималар холос. Чупик Ўзбекистонга қайтишидан, мутлақо шахсий фикримча, Ўзбекистонда ҳамма ютади. Мамлакат имижи ҳам. Олтиндан ҳам кўпроқ пул оқимлари яратаётган меҳнат мигрантлари ҳам. Валя опанинг ўзи ҳам. Валентина Чупик Россияга керак бўлмаса, бизга керак эканини намоён эта олишимиз керак.