Президент сайлови бўйича Ўзбекистон ҳудудидаги барча сайлов участкаларида соат 20.00 да овоз бериш якунланди. Дастлабки маълумотларга кўра, ҳозирга қадар Ўзбекистон бўйича сайловда иштирок этганлар 16 миллион 36 минг 914 нафарни ёки 80,8 фоизни ташкил этмоқда. Бу йил сайлов участкаларида овоз бериш жараёнини "Сайлов-2021" веб-портали орқали онлайн кузатиб бориш имконияти мавжуд бўлди. Бу хизмат орқали 200 дан зиёд сайлов участкасидаги овоз бериш жараёнини онлайн кузатиб бориш имкониятига эга бўлинди.