Владимир Путин Марказий сайлов комиссиясининг матбуот анжуманини кутиб ўтирмай, Мирзиёевни сайловдаги ғалаба билан табриклабди. 90- йиллар штамплари ва шаблонлари билан ишламаслик, ахборот дунёсида реаллик ва воқеликдан ортда қолмаслик кераклиги борасида яна бир кейс бу. Бутун дунё миллиард аудиторияга эга Евроньюс орқали сайловда Мирзиёев ғолиб бўлганидан хабар топиб бўлди. Кеча Ғарб ва Россия каналлари Мирзиёев қандай овоз берганини видео ва суратларда кўрсатиб турган вақтда, ўзбек оавлари шаблон текстлар билан чекланишга мажбур бўлишди.