Учинчи чоракда ўлим сони кескин ошган Расмий маълумотларга қараганда, 2021 йилнинг 9 ойи давомида 132,1 минг ўлим ҳолати қайд этилган. Агар чораклар қирқимида кўрадиган бўлсак, 1- чоракда 39,6 минг, 2- чоракда 40,1 минг, 3- чоракда эса 52,4 минг ўлим рўйхатга олинган. Бошқача айтганда, 3- чоракда ўлим ҳолати 2- чоракка нисбатан 31%га ёки 12,3 мингга кўп бўлган. Ўлим ҳолати жами 9 ойликни ўтган йилнинг 9 ойи билан солиштирганда ҳам 5%га ортган. Шу билан бирга ўтган йили ҳам энг кўп ўлим ҳолатлари айнан 3- чоракка тўғри келган. Маълумот учун бу йил ҳам худди ўтган йили каби коронавирус пандемиясининг энг оғир, шикастланиш ва йўқотишлар кескин ортиши кузатилган даври айнан июль, август ва сентябрь ойларига тўғри келган эди. Расмий рақамлар бу йилги инсоний йўқотишлар ўтган йилдагидан асло кам бўлмаганини кўрсатмоқда. Фақат жамият ва ижтимоий ҳаёт бу йўқотишларга кўникиб бўлди.