Ўлим кўрсаткичи барча ойларда ошган Демографик ҳолат расмий статистикаси эълон қилинди. Эътиборлиси, 2021 йил январь-июнь ойларида 2020 йил январь-июнь ойларига нисбатан ўлимлар сони 5 мингтага, ёки 0,2 промиллега ошган. Жорий йилнинг ҳар бир ойидаги ўлимлар сони ўтган йилнинг ҳар бир ойига нисбатан кўп бўлган. Энг юқори ўлим коэффициенти Тошкент шаҳри (6,0 промилле) ва Тошкент вилоятида (5,6 промилле) қайд этилган. Доимий аҳолининг энг юқори ўсиш даражаси ҳам Тошкент шаҳри ҳиссасига тўғри келади (+4,4%). Бунда ички миграциянинг ўрни ҳам сезиларли бўлган. Никоҳ тузилиши бўйича Хоразм ва Қорақалпоғистон етакчи (8,2 промилледан). Ажралишларда эса - Тошкент шаҳри (2,1 промилле). Ўтган 6 ойда Ўзбекистондан 156,8 минг киши доимий яшаш учун хорижга кўчиб кетган. Четга "сурганлар"нинг аксар қисми Қозоғистон ва Россия йўналишларини танлаган.