Туғилишнинг қисқариши янада тезлашган 2026 йилнинг 1 июль ҳолатига Ўзбекистон аҳолиси 38,5 млн.кишига етган (рўйхатга олиш натижаларисиз, рўйхатга олиш натижалари 2027 йил 1 июлгача қўшилади). Аҳоли сонининг йиллик ўсиш суръати 1,7%гача секинлашган (ўтган йилнинг шу даврида 2,0% бўлган). Энг юқори 2,1%лик ўсиш Сурхондарёда (туғилиш) ва Тошкентда (кўчиб келиш ҳисобига) шаклланган. Туғилиш коэффициента 19,6 промиллегача пасайган (ўтган йилнинг шу даврида 21,7 промилле). 2026 йилнинг дастлабки ярмида 373,4 минг туғилиш қайд этилган. Бундан пастроқ кўрсаткич охирги марта пандемия йилида кузатилганди. Қайд этилган ўлим сони эса 86,9 минггача ошган (янги максимум). Ушбу даврда 92,3 минг никоҳ рўйхатга олинган (бундан пастроқ кўрсаткич пандемия йилида қайд этилган). Ажралишлар эса, қаттиқ маъмурий чекловлар фонида 24,8 мингни ташкил этган. Ички ва ташқи миграция фаоллашган. Ички миграцияда энг кўп кўчиб келиш (+63 411) ва кўчиб кетиш (-49 863) ҳалиям Тошкент билан боғлиқ. Хорижга кўчиб кетишда ҳалиям Қорақалпоғистонликлар (-1 899) етакчи. Хориждан кўчиб келаётганлар асосан Тошкент шаҳрида ўрнашмоқда (+ 1 089).