​Пештахтада асосий маҳсулотга айланган микрокредитлар бўйича NPL қандай? Июнь ойида банкларнинг кредит қўйилмалари 6,8 трлн.сўмга ўсган ва 642,8 трлн.сўмга етган. Бир неча ойдирки, кредит қўйилмалари ўсиши асосан 300 миллион сўмгача, деярли исталган мақсад учун, нақд ва нақдсиз ажратилаётган микрокредитлар ҳисобига рўй бермоқда. Июнь ҳам бундан истисно берилмаган (умумий ўсишнинг 36,5%ини айнан микрокредитлар таъминлаган). Ой давомида кредит қўйилмаларининг энг юқори ўсиши хусусий банкларда —Ҳамкорбанк (+1,0 трлн.сўм), Апекс банк (+714 млн.сўм) ва Ипак йўли банкида (+613 млрд.сўм) кузатилган. Муаммоли кредитлар билан боғлиқ вазият, кутилганидек, ярим йиллик ҳисоботлари учун яна "яхшиланган" (июлда ҳалинчак яна орқага қайтади). Ой давомида NPL 667 млрд.сўмга, 22,9 трлн.сўмгача қисқарган (улуши 3,6%). Капиталбанк (-480 млрд.сўм), Миллий банк (-331 млрд.сўм) ва Ўзсаноатқурилишбанкда (-150 млрд.сўм) аҳвол кескин "яхшиланган". Маҳсулотлар қирқими бўйича NPL маълумоти очиқланаётгани йўқ. Агар очиқланганида, айтайлик, бош маҳсулотга айланган микрокредитлар бўйича аҳволни ва динамикани кузатиш имкони бўларди.