​Аҳоли омонатларининг ўсиши секинлашган Июнь ойида жами депозитлар 13,2 трлн.сўмга ўсган ва 473,8 трлн.сўмгача етган. Ой давомида депозитлар портфелини Ўзсаноатқурилишбанк (+2,7 трлн.сўм), Миллий банк (+2,6 трлн.сўм) ва Трастбанк (+1,5 трлн.сўм) энг кўп ўстирган. Икки ойлик юқори даражада ўсишдан кейин аҳоли омонатлари қолдиғи атига 1,3 трлн.сўмга кўпайган ва 179,8 трлн.сўмга етган (қарийб 15 млрд.доллар). Ўсишнинг қарийб ярмини Агробанк таъминлаган (+620 млрд.сўм). Шунингдек, Анорбанк (+474 млрд.сўм) ва Капиталбанк (+474 млрд.сўм) ҳам фаол бўлиб қолмоқда). Омонатлар бўйича фоизларнинг пасайиши фонида қатор банкларда омонатлар қолдиғининг қисқариши ҳам кузатилмоқда. Эҳтимолки, бозор навбатдаги мувозанатлашув олдида турипти.