Аҳоли омонатларини жалб қилишда давлат банклари етакчига айланишган Август ойида банкларнинг депозит портфели 3,3 трлн.сўмга ўсган ва 363,7 трлн.сўмдан ошган. Ой давомида аҳоли омонатлари қолдиғи 4,5 трлн.сўмга кўпайган бўлса, корпоратив депозитлар 1,2 трлн.сўмга камайган. Жами депозитларни жалб қилиш бўйича Миллий банк (+2,6 трлн.сўм), Капиталбанк (+1,3 трлн.сўм) ва Агробанк (+884 млрд.сўм) етакчи бўлишган. Аҳоли омонатларини жалб қилишдаги фаоллик давлат банклари қўлига узил-кесил ўтган. Ой давомида Ўзсаноатқурилишбанк (+727 млрд.сўм), Агробанк (+599 млрд.сўм) ва Миллий банк (+460 млрд.сўм) энг кўп омонат жамғаришга эришишган.