Омонатларнинг ўсиши яна тезлашган Август ойида тижорат банкларидаги депозитлар қолдиғи 7,7 трлн.сўмга ўсиб, 283,1 трлн.сўмга етган. Депозитлар ўсишининг асосий қисми аҳоли омонатларига тўғри келган (+5,2 трлн.сўм). Корпоратив депозитлар қолдиғи камтарроқ, 2,5 трлн.сўмга кўпайган. Ўтган ойда депозитлар жамғаришда Ўзсаноатқурилишбанк (+1,8 трлн.сўм), Агробанк (+1,3 трлн.сўм) ва Анорбанк (+1,0 трлн.сўм) етакчи бўлишган. Бозорнинг янги иштирокчиларидан Ҳаётбанк, Апексбанк ва Янги банк депозит бозорида фаоллашишмоқда.