​Бешинчи ойдирки депозитлар кредитлардан тезроқ ўсмоқда Июлда ҳам бу тенденция давом этмоқда. Ой давомида банкларнинг жами депозитлари 8,9 трлн.сўмга, 482,7 трлн.сўмгача кўпайган. Бунда корпоратив депозитлар қолдиғи 3,5 трлн.сўмга, аҳоли омонатлари қолдиғи 5,4 трлн.сўмга кўпайган. Жами депозитларнинг энг кўп ўсиши Капиталбанк (+1,6 трлн.сўм), Октобанк (+927 млрд.сўм) ва Тенгебанкда (+913 млрд.сўм) кузатилган. Аҳоли омонатларини жалб қилиш бўйича эса Агробанк (+823 млрд.сўм), Капиталбанк (+744 млрд.сўм) ва Миллий банк (+529 млрд.сўм) етакчилик қилишган. Депозитларнинг кредитлардан тезроқ ўсиши март ойидан буён давом этмоқда. Иккинчи ойдирки, хусусий банкларда жами депозит портфели жами кредит портфелидан кўпроқни ташкил этмоқда. 12та хусусий банкда жамланган депозитлар берилган кредитлардан кўпроқ (биронта давлат банкларида ҳали бундай оғиш рўй бергани йўқ).