"Тартибга солинадиган нархларни эркинлаштириш жараёни давом этаётганлиги ... иккиламчи инфляцион таъсирларни кучайтириши мумкин" Марказий банк бошқаруви 2026 йил 16 сентябрдаги йиғилишида асосий ставкани йиллик 14 фоиз даражасида сақлаб қолиш тўғрисида қарор қабул қилган. "Нархлари йиллик 5 фоиздан юқори ошаётган товар ва хизматлар улушининг ортиши иқтисодиётда барқарор хусусиятга эга бўлган нарх босимлари ҳали ҳам сақланиб қолаётганини кўрсатмоқда". "Жаҳон хомашё, озиқ-овқат ва энергия бозорларидаги нархларнинг юқори даражада бўлиши ўрта муддатли истиқболда импорт нархлари ҳамда транспорт ва логистика харажатлари орқали ички инфляцияга босимларни сақлаб қолади". "Тартибга солинадиган нархларни эркинлаштириш жараёни давом этаётганлиги ишлаб чиқариш харажатлари, хизматлар нархлари иккиламчи инфляцион таъсирларни кучайтириши мумкин". "Ташқи нарх шокларининг ички инфляцияга иккиламчи таъсири кўлами кўп жиҳатдан ички талаб динамикасига ва кўриладиган таркибий чораларга боғлиқ бўлади". Инфляцион хатарларнинг барқарор инфляцион жараёнларга айланишини чеклаш, эҳтимолий иккиламчи таъсирларини юмшатиш ҳамда инфляцион кутилмаларнинг изчил пасайишини таъминлаш учун жорий қатъий пул-кредит шароитларини сақлаб қолиш зарур деб баҳоланган.