​​Ваъда эмас натижа, эртага эмас бугун! Мана бу пахта нархи тушиб кетгани важи билан фермерлар зарарига қилинаётган зўравонлик кампанияси қандай кетаётгани ҳақида: "Бирор марта фермерлар кенгаши чиқиб туриб, фермерлар устидан шунақа зуғум бўляпти, босим бўляпти, мана бу жойда қонун-қоидалар бузиляпти, шартномавий муносабатлар бузиляпти деб чиқиш қилгани йўқ. Ваҳоланки, Фермерлар кенгаши раиси ЎзЛиДеПнинг раиси ҳам. Ҳозир [сайловда] партиянинг биринчи рақамли номзоди... Айрим жойларда фермерлар кенгаши фермерларни чақириб, қўшимча шартномалар имзолашга мажбурлашяпти. Бу ундан ҳам даҳшатли нарса" Мана бу сайлов палов кампаниясида берилаётган ваъдалардан: "давлат органлари мансабдор шахсларининг тадбиркорлик фаолиятига, шу жумладан, фермерлар фаолиятига (ҳосилни тасарруф этиш, нарх белгилаш ва бошқалар) аралашувини қатъий тақиқлаш". "фермер ва деҳқонларнинг ҳуқуқларини ҳимоя қилишда Ўзбекистон фермер, деҳқон хўжаликлари ва томорқа ер эгалари кенгашининг имкониятларини кенгайтириш". Қуйидаги суратда "Ваъда эмас, натижа" шиори билан сайлов кампаниясига кираётган партиянинг учлиги. Учлик бошида бир вақтнинг ўзида Фермерлар кенгаши раиси бўлган Актам Хаитов. P.S. Айтиш эсдан чиқипти, сарлавҳада вергуллар тушириб қолдирилган, реалликка қараб қўйилаверади.