Автокредитлар ўсиши яна тезлашган Августда банкларнинг кредит қўйилмалари 4,8 трлн.сўмга ўсиб, 581,1 трлн.сўмга етган. Ўсишнинг негизини яна чакана кредитлар белгиламоқда (+3,6 трлн.сўм), корпоратив кредитлар қолдиғи 1,2 трлн.сўмга кўпайган. Чакана кредитлашнинг асосий маҳсулоти қисқараётганига қарамай, микроқарзлар бўлиб қолмоқда (+1,4 трлн.сўм). Ипотека қолдиғи 1,1 трлн.сўмга ўсган. Автокредитлар иккинчи ой кетма-кет фаол молиялаштирилмоқда (+547 млрд.сўм). Банклар қирқимида кредит қўйилмаларнинг энг катта ўсишини Агробанк (+947 млрд.сўм), Асакабанк (+791 млрд.сўм) ва Ҳамкорбанк (+603 млрд.сўм) таъминлаган. Муаммоли кредитлар 752 млрд.сўмга, 21,8 трлн.сўмгача камайган, 1 сентябрга NPL улуши 3,8% (-0,1%)га тушган. Муаммоли кредитларни қисқартиришда давлат банкларидан Миллий банк (-675 млрд.сўм) ва Агробанк (-152 млрд.сўм), шунингдек Ипотекабанк (-133 млрд.сўм) жонбозлик кўрсатишган.