Агробанк иккинчи давлат бонкасига айланган Июль ойида банкларнинг кредит қўйилмалари атига 1,0 трлн.сўмга ўсган ва 576,2 трлн.сўмга етган. Бунда чакана кредитлар қолдиғи 4,9 трлн.сўмга ўсган бўлса, корпоратив кредитлар қолдиғи 3,9 трлн.сўмга камайган. Банкларнинг бош маҳсулоти микроқарзлар бўлиб қолмоқда. Ой давомида микроқарзлар қолдиғи 3,1 трлн.сўмга кўпайган. Ипотекани молиялаштириш уч ойлик сустликдан кейин фаоллашган (+1,3 трлн.сўм). Бир йилдан сўнг автокредитлар қолдиғи яна ўса бошлаган (+147 млрд.сўм). Бошқа (балки кредит карталари) дея таснифланган кредитлар ҳам тез ўсмоқда (+312 млрд.сўм). Ой давомида кредит қўйилмаларининг энг катта ўсиши яна Агробанк (1,0 трлн.сўм), Алоқабанк (713 млрд.сўм) ва Халқ банкда (446 млрд.сўм). Агробанк охирги ойларда Ўзсаноатқурилишбанкни барча асосий кўрсаткичларда қувиб ўтиб, иккинчи давлат бонкасига айланган (активлар, кредит ва депозитлар бўйича, капиталда олдинда эди). Муаммоли кредитлар ўтган чорак охиридаги маъмурий қисқаришдан кейин яна ўсишда давом этмоқда. NPL қолдиғи 684 млрд.сўмга кўпайиб, 22,6 трлн.сўмга етган (улуши 3,9%). NPL ўсишида давлат бонкалари — Миллийбанк (+594 млрд.сўм), Микрокредитбанк(+121 млрд.сўм) ва Асакабанк (+106 млрд.сўм) етакчилик қилган.