Омонатлар яна фаол ўсмоқда Сентябрдаги қисқариш вақтинчалик бўлган кўринади (мавсумий кўчмас мулк сотиб олиш фаоллиги билан боғлиқ). Октябрда банклардаги жами депозитлар 6,1 трлн.сўмга ўсган ва 377,6 трлн.сўмга етган. Шундан аҳоли омонатлари 4,5 трлн.сўмга кўпайиб, 1 ноябрь ҳолатига 148,6 трлн.сўмни ташкил этган. Ой давомида Асакабанк (+2,3 трлн.сўм), Алоқабанк (+1,1 трлн.сўм) ва Капиталбанк (+1,1 трлн.сўм) энг кўп депозит жалб қилишган. Аҳоли омонатлари жамғаришда баҳордан буён давлат банклари етакчилик қилишмоқда. Октябрда Халқ банки (+1,0 трлн.сўм), Агробанк (+760 млрд.сўм) ва Миллийбанк (+489 млрд.сўм) энг кўп омонат йиққан. Энг юқори ставкада омонат таклиф этаётган хусусий банклар бир неча ойдан буён етакчилар сафида эмас. Кафолатлашнинг янги тизимида омонатчилар давлат банкларига кўпроқ ишонишмоқда.