"2-3 кун қонуни" ўзгартирилади Давлат раҳбари имзолаган фармонга кўра, шахсий эҳтиёж учун олиб кириладиган товарларнинг божсиз олиб кириш нормалари тўлиқ қайта кўриб чиқилади. Ҳукумат қарори билан, 2025 йил 1 майдан бошлаб жисмоний шахслар учун товарларни божсиз олиб кириш нормалари 2 карра (2 минг доллардан 1 минг долларгача), халқаро курьерлик жўнатмалари орқали етказиб бериладиган товарлар учун лимит 5 карра (1 минг доллардан 200 долларгача) қисқартирилган эди. Маълумот учун, ҳозирда жисмоний шахслар томонидан четдан олиб кириладиган товарларнинг божсиз олиб кириш нормалари қўлланиши учун: - поездда, автомобилда ёки пиёда равишда кириб келаётган шахслар хорижий давлатда 2 кундан, - самолётда қайтаётган йўловчилар эса хорижий давлатда 3 кундан кам муддат бўлмаслиги талаб этилади. Шунингдек, фармон билан амалда ўз аҳамияти ва долзарблигини йўқотган 800 га яқин қонунчилик ҳужжатлари “тартибга солиш гильотинаси” орқали бекор қилинади.