Депозит бозори яна фаоллашган Йил якунланишидан аввалги фаоллик кузатиладиган октябрда банкларнинг депозит портфели 9,0 трлн.сўмга ўсиб, 295,9 трлн.сўмга етган. Ой давомида аҳоли омонатлари 2,5 трлн.сўмга, корпоратив депозитлар 6,5 трлн.сўмга кўпайган. Бозорда Ипотекабанк (+2,3 трлн.сўм), Миллийбанк (+1,3 трлн.сўм) ва ЎзКДБбанк (+1,0 трлн.сўм) депозит портфелларини энг кўп ўстиришган. Омонатлар бозорида Капиталбанк (+589 млрд.сўм), Анор банк (+360 млрд.сўм) ва Асака банк (+302 млрд.сўм) фаол ишлашган.