Ипотека яна секинлашган Октябрда банкларнинг кредит портфели қолдиғи 5,4 трлн.сўмга ўсган ва 521,0 трлн.сўмдан ошган. Ой давомида чакана кредитлар қолдиғи 3,1 трлн.сўмга, корпоратив кредитлар қолдиғи 2,3 трлн.сўмга кўпайган. Негизини автокредитлар ташкил этувчи истеъмол кредитлари қолдиғи бешинчи ой кетма кет қисқаришда давом этган (-360 млрд.сўм). Микроқарзлар фаол ўсишдан тўхтагани йўқ (+1,7 трлн.сўм). Сентябрдаги жонланишдан (+1,2 трлн.сўм) кейин октябрда ипотека кредитлари қолдиғининг ўсиши сезиларли секинлашган (+853 млрд.сўм). Кредит портфелини ўстиришда давлат банклари фаол бўлиб қолмоқда (Миллий банк 1,4 трлн.сўм, Халқ банки 640 млрд.сўм ва Микрокредитбанк 582 млрд.сўм). Муаммоли кредитлар миқдорда 474 трлн.сўмга ўсиб, 22,0 трлн.сўмдан ошган бўлсада, NPL улуши ўзгармаган (4,2%). Ой давомида муаммоли кредитлар қолдиғининг энг катта ўсиши Миллий банк ва Капиталбанкда (+352 млрд.сўмдан) юз берган.