Washington Post нашри Марказий Осиёда, жумладан Ўзбекистонда Телеграм ва бошқа ижтимоий тармоқларнинг блокланиши ҳақида мақола чоп этибди. Мақолада ушбу воқеа «Марказий Осиё давлатларида Интернет эркинлигини чеклаш сиёсати қанчалик узоққа бориши мумкинлигини синаб кўриш ҳаракатини акс эттиради. Уларнинг замонавий технология билан кураши Марказий Осиё ҳукуматлари Ғарб таъсиридан тобора кўпроқ бош тортаётгани, бунинг ўрнига минтақага катта сармоя киритаётган Хитой каби кучларга мойил эканига ишора қилади» дейилади. Шунингдек, мақолада Россиянинг минтақага таъсири ҳақида сўз боради: «Марказий Осиё ҳам анъанавий иттифоқчиси бўлган Россиянинг интернетни бошқариш бўйича ўйлаб топилган сиёсатига амал қилмоқда» деб ёзилади АҚШнинг етакчи нашрларидан биридаги мақолада.