Байден Путин билан учрашади, гар Россия ҳужум қилмаса Дам олиш кунлари Путин ва Макрон ўртасидаги телефон сўзлашувларининг, ҳозирча, биттагина умумий якуни бўлди: Байден Путин билан учрашишга тайёр, гар Путин Россияси Украинага ҳужум қилмаса. Қўшма штатлар маъмурияти ушбу маълумотни тасдиқлаган. 24 февраль куни ташқи ишлар раҳбарлари Блинкен ва Лавров музокаралари бўлиб ўтади. Кўпчилик Байден ва Путин учрашуви ҳафта охирида Хельсинкида юз бериши мумкинлигини кутмоқда. Донбассда суткалик ўт очишлар частотаси 200 тадан 80тагача камайгани қайд этилган. Россия тарафидан восита ўлароқ ишлатиб келинаётган Донбасс аҳолиси мажбурий эвакуация жараёнидаги хўрлик ва хорликлардан кейин яна ортга қайтаётгани айтилмоқда. Путин Россияси провокация ва манфур мақсадлар йўлида инсон қийматининг "замбаракка солинган гўштчалик" аҳамиятга эга эмаслигини яна бир марта намоён этган. Шанба куни Президент Зеленский Мюнхенда эҳтиросли ва оғриқли нутқ сўзлаган.