Январда Марказий банкнинг валюта интервенциялари ошган Марказий банкнинг январь ойида ички валюта бозоридаги интервенциялари ҳажми 8,1 трлн.сўм (750 млн.доллар) атрофида бўлган. Регуляторга кўра ички валюта бозорига интервенциялар ўтган йилларда йиғилиб қолган маблағлар ҳисобига ҳам қўшимча равишда амалга оширилган. Қўшимча интервенциялар олтин-валюта захиралари қолдиғида ҳам ўз аксини топган. Январь ойи давомида расмий захираларимиз 714 млн.долларга камайиб, 34,4 млрд.доллардан иборат бўлган (хусусан, валютадаги активлар эффекти -533 млн.доллар, олтин котировкаси эффекти - 175 млн.доллар). Олтиннинг физик ҳажми ўзгармаган. Демакки, январда ишлаб чиқарувчилардан сотиб олинган олтин тўлиқ ҳажмда сотилган (олтин хариди билан боғлиқ операциялар 5,6 трлн.сўм - 520 млн.доллар атрофида бўлган).