Банкларнинг кредит қўйилмалари январда қисқаришни бошлаган Январь ойида Ўзбекистон банкларининг кредит қўйилмалари 2,2 трлн.сўмга қисқарган ва 324,1 трлн.сўмни ташкил этган. Айни пайтда, муаммоли кредитлар қолдиғи 500 млрд.сўмдан зиёдга ошган ва қарийб 17,5 трлн.сўмдан иборат бўлган. NPL улуши ҳам 5,2%дан 5,4%гача кўтарилган. Иқтисодий фаоллик юқори бўлмаган январда чакана кредитлар ўсиши секинлашган бўлса, корпоратив кредитлар қолдиғи камайган. Банклар йўқотишлар ўрнини қоплаш учун юқори миқдорда захиралар яратишда давом этишмоқда. Шу сабабли, ўтган йилнинг тегишли даврига солиштирганда рентабеллик кўрсаткичлари пасайиши жараёни тўхтагани йўқ.