Россия кемалари учун денгиз портлари ёпилмоқда Бугун Кипр Россия ҳарбий кемалари учун ёқилғи қуйишга ўз портларига киришга рухсат бермаган. Аввалроқ Буюк Британия ва Канада ҳудудий денгиз портларини рус кемалари учун ёпганини эълон қилганди. Кеча Болгария транспорт вазирлиги ўз портларини рус кемалари учун ёпишга тайёргарлик бошланганини маълум қилган. Ўтаётган ҳафта давомида Европа иттифоқи Россия кемаларини портларга киритмаслик ҳақида ягона узвий режаларни тайёрлай бошлаган эди. Портларнинг ёпилиши ягона муммо эмас. Дунёнинг энг йирик контейнер ташув компанияси Maersk Россияга ва Россиядан денгиз, ҳаво ва темир йўл орқали контейнер ташувларини тўхтатган. Ҳаво кенгликлари, денгиз портларининг ёпилиши, контейнер ташувчиларнинг бойкоти Россияга товарлар етказишни шунчаки қимматлаштирибгина қолмайди, бу Россияга товарлар етказишни имконсиз қилиб қўяди.