Трейдерларга Москва биржаси курсидан фойдаланмаслик тавсия этилди Ривожланаётган бозорларда фаолият юритувчи трейдерларни бирлаштирган ЕМТА уюшмаси ўз аъзоларига 6 июндан бошлаб рубль бўйича Москва биржаси курсидан фойдаланмасликни тавсия этди. Уюшмага кўра, Москва биржасида шаклланаётган рубль курси ишончли ориентир-бенчмарк бўла олмайди. Шунинг учун деривативлар бўйича ҳисоб-китобларда WM/Refinitiv (ташқари платформаларда шаклланадиган) курсларидан фойдаланиш тавсия этилади. Уруш бошлангунча Refinitiv ва Москва биржаси курслари ўртасида фарқликлар бўлмаган.