Марказий банкни асосан телеграмда кузатишмоқда Бу рост. Чунки шахсан мен ҳам телеграм каналига овозли огоҳлантириш қўйиб қўйганман ва одатда шундан кейин расмий сайтдаги маълумотларга ҳавола бўйича ўтаман. Марказий банк Коммуникация сиёсати шарҳини тақдим этмоқда. Регулятор ўрганишларига кўра, респондентларнинг 72%и маълумотларни телеграм каналдан олишини маълум қилишган. Сайт эса иккинчи ўринда. Марказий банк сайтидаги энг оммабоп саҳифа Валюталар курси билан боғлиқ. Ўқувчиларнинг 12 фоизи регулятор бераётган маълумотларни тушуниш жуда мураккаб деб ҳисоблайди. Регулятор келгусида Флеш кўрсаткичи (Flesch Reading Ease test) принципларига кўра, ўзбек ва рус тилларида эълон қилинаётган маълумотларнинг ҳам ўқиш учун осонлик даражасини баҳолаб бормоқчи. Дарвоқе, шарҳда Марказий банкнинг кунлик, ойлик,чораклик, йиллик даврийликда эълон қилиб бораётган ҳисоботлари рўйхати келтирилган. Айтиш керакки, рўйхатдаги валюта операцияларига оид маълумотлар (валюта айирбошлаш, халқаро пул ўтказмалари) ўтган йил июндан бери ойлик режимда эълон қилиб борилмай қўйилган. Айрим ойлик маълумотларни олиш учун эса кейинги ойнинг охирги кунигача кутиш керак бўлади. Масалан, январь ойи якунлари бўйича асосий кўрсаткичлар 27 февраль куни сайтга қўйилди.