​​Коронавирус газеталар орқали тарқалиши ҳақида ёзишганини юқорида бўлишдим. Тўғри, вирус қоғоз сиртида 4 кунгача яшайди. Газетани муштарийга олиб келиш ҳам мураккаб иш бўлиб қолди. Лекин ҳеч ким юзлаб инсонлар қўлида айланадиган нақд қоғоз пулларни ҳисобга олмаяпти. Ахир пуллар дунёдаги энг ифлос нарса, вирус ва бактериялар ўчоғи эканлиги аввалдан маълум-ку?! Ҳозир карантин шароитида ҳам барча шаҳарларда деҳқон бозорлари очиқ. Бозор ва дўконларда бемалол савдо қилишяпти. Одамлар шунингдек, банкоматлар ва банклардан нақд пул олишаяпти. Мана шу нарсаларга ҳам 10 кунча тақиқ қўйиш керакми, дейман. Фикримча, айни шароитда нақд пул муомаласи чекланиши, банклар нақд пул муомаласини вақтинча тўхтатиб туриши, фақат нақд пулда савдо қилинаётган деҳқон бозорларни ҳам ёпиш, харидлар фақат супермаркетларда пластик карточкалар воситаси амалга оширилиши йўлга қўйилиши керак. Жумладан, корхона ва ташкилотлар томонидан март ойининг маошлари тўлиқ пластик карталарга ташлаб берилиши лозим. Яна шуни ёдда тутмоқ керакки, кўчада кимлар биландир қўл бериб кўришгандагина эмас, нақд пул ушлаганда қўлни яхшилаб кирсовунда ювиш керак. Унутманг: пул ушлаган қўлингизни ювмасдан туриб юзингизни асло ушламанг! Ўзи ҳаммадан маскада бўлиш талаб этилаяпти, лекин қўлқопда бўлиш сўралаяётгани йўқ, бу ҳам ғалати… Хуллас, ўзингизни эҳтиёт қилинг. Максимал даражада ҳимояланинг. Бўлар-бўлмасга кўчага, бозорга чиқманг. Нақд пул ишлатманг! Қайтим олманг! Каналга обуна бўлинг: 👉 @shokirjonov