Пойтахт маъмурияти кучли қор ёғиши ҳақида огоҳлантирмоқда Тошкент шаҳар ҳокимлигига кўра, 18 февраль куни кучли қор ёғиши, у камида 12 соат давом этиши кутилмоқда. Дастлабки маълумотларга кўра, ёғингарчилик ҳажми икки ойлик меъёрдан ошади. Шу муносабат билан, ҳокимият: ❗️Заруратсиз уйдан чиқмасликни, шахсий транспорт воситаларидан фойдаланишни минималлаштиришга ҳаракат қилишни ва ҳаракатланиш учун жамоат транспортидан фойдаланишни; ❗️ Қор ва муз массалари тушиши мумкин бўлган кўп қаватли бинолардан сақланишни; ❗️ Қулоқчин таққан ҳолда ташқарига чиқмасликни - бу яқинлашиб келаётган машина ёки қор тушишини эшитмай қолишингизга олиб келиши мумкин; ❗️ Автомобилларни кўп қаватли бино ва иншоотлар, шунингдек, дарахтлар тагида қолдирмасликни сўрамоқда.