Рублнинг "сайлов"дан кейинги динамикаси қандай бўлади? Прогноз қилинганидек, ўтган йил кузидан токи мана "сайлов" ёрлиқли махсус операциягача рублнинг барқарорлиги сақлаб турилди. Бу даврда долларга нисоби 88-93 коридорда ҳаракатланган рубль курси, ўзини ўзи собиқ метрополияга қарам қилишда давом этаётган сателлит давлатларнинг валюталари барқарорлигига ҳам ижобий таъсир ўтказди. Энди кўпчиликда туғилаётган савол, "сайловдан" кейинги аҳвол билан боғлиқ. Душанба куни "ғолиблиги" эълон қилинадиган шахснинг ишора ва баёнотларига кўра, Мордор узоқ урушга тайёргарлик кўрмоқда. Урушнинг кўлами ҳозирги локациясидан чиқиб, янада кенгайишидан қолган эркин дунё ютқазади. Мордор эса ютади. Шу маънода унга янги одамхўрликлар учун молиявий ресурслар ва манбалар керак. Анонс қилинган бизнес ва аҳоли учун солиқларнинг оширилиши келаси йилга юз беради. Унгача бюджетни тўлдиришнинг осон ва арзон йўли яна рублни қўйиб юбориш бўлиши мумкин. Бунинг учун уруш бошлангач киритилган ва ўтган йили октябрда қўшилган чекловлар олиб ташланиши шарт эмас.