Уюшмалар раҳбариятидаги ўзгаришлар давом этади Навбат – "Ўзтўқимачиликсаноат" уюшмасига. Бугун уюшма иштирокчиларининг умумий йиғилишида раис бўлиб ишлаган Илҳом Хайдаров ўз аризасига биноан лавозимидан озод этилди. Уюшмага эса бугунгача раис биринчи ўринбосари лавозимида ишлаб келган Мирмуҳсин Султонов раис вазифасини вақтинча бажарувчи этиб тайинланди. Аввалроқ, "Ўзчармсаноат" уюшмаси раиси ўзгаргани ҳақида ёзган эдик. Бир нарсани айтиш керак, текстил соҳасида кўплаб корхоналар фаолиятини тўхтатмоқда. Биргина 2023 йилнинг ўзида кластер ва ип калава билан шуғулланувчилар катта зарарда қолган. Водий томонларда юзлаб корхоналар ишламаяпти. Фикримиз ўша-ўша – тадбиркорларнинг раҳбари уларнинг манфаатларини ҳимоя қиладиган кадр бўлиши керак.