Валюта интервенциялари ҳажми яна очиқланмади Марказий банк Пул бозори ва ликвидлик шарҳида 2024 йилнинг биринчи чорагида сотиб олинган қимматбаҳо металлар қиймати 22,3 трлн.сўмни ташкил этганини маълум қилди. Лекин ички валюта бозорига соф интервенциялар ҳажми яна айтилмади. "Ушбу даврда интервенциялар ҳажмининг нисбатан юқорилиги мавсумий талаб ва муддати келган ташқи қарзнинг қайтарилиши билан боғлиқ бўлиб, келгуси чоракда ушбу кўрсаткичнинг мувозанатланиши кутилмоқда" дейилган регулятор шарҳида. Ростанам бундай ҳолат, охирги йилларда, сотиб олинган олтин ҳажмидан валюта интервенциялари кескин ошиб кетган чоракларда қайд этила бошлаган. Масалан, 2023 йилни биринчи чораги бўйича ҳам шундай ҳолат қайд этилган (шарҳ умуман эълон қилинмаган). Нима бўлгандаям, бу жуда хунук ишора. Яширилган ҳар бир рақам шубҳа ва гумонларни оширса оширадики, камайтирмайди. Эсингизда бўлса, 2023 йилнинг бошқа чораклари маълумотларидан келиб чиқиб, 2023 йил 1- чорагида тахминан 18 трлн.сўм олтин сотиб олингани ва 46 трлн.сўмлик эквивалентда (4,0 млрд.доллар) валюта интервенцияси амалга оширилганини аниқлаган эдик.