Яширин иқтисодиётга қарши кураш бўйича қарор лойиҳаси якуний босқичда эмас Савдо-саноат палатаси “Яширин иқтисодиётга қарши курашиш бўйича комплекс чора-тадбирларни амалга ошириш тўғрисида”ги қарор лойиҳаси юзасидан муносабат билдирди. Маълум қилинишича, 27 апрель куни Тадбиркорликни қўллаб-қувватлаш бўйича жамоатчилик кенгаши йиғилишида муҳокама қилинган қарор ҳозирча тегишли вазирлик ва идоралар билан ўрнатилган тартибда келишиш жараёнида бўлиб турибди. Қарор лойиҳаси кенгаш йиғилишида билдирилган ҳамда идора ва вазирликларнинг томонидан берилган таклифлар асосида қайта кўриб чиқилади. Муҳокамалар якунида қарор лойиҳасининг жамият учун фойдали бўлган бандларигина қабул қилинади, деб умид қиламиз. Зеро жамоатчилик кенгашининг асл вазифаси ҳам тадбиркорлар ва жамият фойдасига хизмат қиладиган, тадбиркорлик ривожига ҳисса қўшадигвн таклифларни олға суришдан иборат.