Пропаннинг тоннаси 9,1 млн.сўмдан ошган Биржа савдоларида пропаннинг ўртача нархи 9,1 млн.сўмдан ошган. Биржа брокерларига кўра, айрим битимларда максимал нарх тоннасига 10,7 млн.сўмдан қимматлаган. Қондирилмаётган талаб тинимсиз ошаётганига қарамай, кунлик таклиф худди чизиб берилгандек 1089 тоннадан оширилмаяпти. Сунъий яратилаётган танқислик яқин кунларда чакана шохобчаларда пропаннинг литри 7500 сўмгача чиқишига йўл очади. Айтишларича, пропан масаласида Рақобат қўмитаси барча ҳолатларни ўрганиб, нарх шаклланиши, бозор барқарорлиги, қандай қилиб вазиятни юмшатиш ечимлари бўйича Ҳукуматга ва масъул регуляторларга сўров ва таклифлар юборган. Вазият барқарорлашиш ўрнига, тобора оғирлашиб бораётгани ва монополистларга ҳеч қандай чора кўрилмаётганига қараганда соат сайин қимматлашаётган пропан масъулларни қаноатлантиради.