Пропан нархи ўсишдан тўхтамаган Куф-суф чоралари ва рост гап айтилиши даргумон анжуманларга қарамасдан, жума кунги биржа савдоларида ҳам пропан нархи ўсишдан тўхтамаган. Бир тонна пропаннинг нархи қарийб 8 млн. сўмга етган. Агар бозор рақобатли бўлганида пропан котировкаларини тийиб турувчиси бўлиши керак бўлган 80 шиптир котировкалари ҳам кўтарилган. Ваъда қилинганидек, пропан таклифининг кескин ошиши рўй бераётгани ёки ҳеч қурса июль бошидагидек кунлик 1200-1600 тонналик ҳажмга етказилаётгани йўқ (гарчи 16 кун деганда таклиф биринчи марта 1000 тоннадан кўп бўлганига қарамай). Нархлар барқарорлашиши учун энди бир неча ҳафта давомида талабдан кўра кўра кўпроқ таклиф бўлишига ишонч яратилиши зарур. Лекин монополист ва олигархиянинг бунга хоҳишлари борми? Ким уларни бунга мажбурлайди? Худди метан билан бўлгани каби катта даҳанлар бир четда қолиб, пропан сотувчи шоҳобчаларни балогардон қилиш бошланмайдими?