Парламент депутатсиз қолди Амалдаги таркибда парламентнинг яна камида 3 ойлик ваколат муддати қолганида Дониёр Ғаниев депутатлик мандатини топшираётганини эълон қилди. "Гарчи депутат сифатида самарали фаолият олиб бордим, деб ўйласам-да, бу фаолиятда давом этиш ўзим учун ҳам, сайловчилар учун ҳам манфаатли бўлмаслигини тушуниб етдим", дея ўз қарорини тушунтирган эндиликда собиққа айланган депутат. Дониёр Ғаниев инсонлар оғирини енгил қилишга хизмат қилувчи ижобий нормаларни қўллаб-қувватлашдан, фуқаролар манфаати ва ҳуқуқларига зид деб билган қонунларга эса қарши туришдан иккиланмаганини қайд этган.