Қимматлашган пропан ёнига қиммат-қиммат дизель ҳам қўшилди Кечаги биржа савдоларида пропан таклифи ошиш ўрнига яна камайтирилган. Натижада суюлтирилган газнинг тоннаси яна 32,8 минг сўмга қимматлаб, ўртача 8 021,0 минг сўмга етган. Сунъий яратилган тақчиллик ҳолатида ҳеч қанақа жазо йўқлигини ҳис қилгач, тили, чўнтаги ва илдизлари бир монополистик-олигархик гуруҳлар вазиятдан устамонлик билан фойдаланишда давом этишмоқда. Бутун дунёда нефть нархлари қулаётган шу кунларда 80 шиптир лалқабли бензинни тоннаси 9 018,2 минг сўмгача кўтарилган. 4 млрд.долларгача қимматлаштирилган ва пудрат қиролларини миллиардерга айлантирган зараркунанда GTL заводидан ўзбекистонликлар қўлга киритган ягона натижа ўзи қиммат дизелнинг янада қимматлашиши бўлди холос. Кечаги савдоларда дизель ёқилғиси бирдан 1 052,5 минг сўмга қимматлаб, 13 039,2 минг сўмгача кўтарилган. Қишда Давлат раҳбарининг дизель ёқилғисини 15%га арзонлатиш тўғрисида берилган топшириғини ҳозир ким эслайди? Ким бориб, қайси мард бу ҳақда Давлат раҳбарига маълумот етказади? Султоновми? ё Мирзамаҳмудовми?