Икки карра қимматлаган пропан бу очофат монополистларнинг сунъий дефицити ҳосиласи Буни мана бугунги биржа савдолари яққол кўрсатиб турипти. Сотувга чиқарилган пропан ҳажмининг 443 тоннага, 1 482 тоннагача оширилиши ўртача нархларни тоннасига 340 минг сўмга, 8 939,1 минг сўмгача пасайтирган. Максимал нархлар ҳам 11 млн.сўмдан пастга тушган. Нимага, шу кунгача пропан таклифи оширилмади? 4 млрд.долларлик GTL заводи ишласин эди ҳеч қурса. Шонли энергетикларнинг Lukoil'га гапи ўтмайдими? Талаб ошганига мувофиқ равишда кунига 1,5 минг - 2 минг тонна пропанни савдога қўйишга ким ёки нима ҳалақит қилаяпти? Нимага триллион пул сарфлаб пропан ишлаб чиқариш қувватлари оширилган Муборак заводи тўхтатиб турилипти? Устоз энергетик Султоновнинг ўзи бориб очмаганмиди? Завод ишламаётгани сабаби нимада? Нимага биржадан сотиб олинган пропан заводлардан харидорлар ихтиёрига 3 ҳафта, 1 ойгача қўйиб юборилмаяпти? Нимага ўтган йили бензин савдосида максимал харид лотларини 1 тоннагача туширганлар ҳеч қурса шу кунларда пропан лотларини вақтинча бўлсаям 10 тоннагача пасайтиришни ўйлашмаяпти? Кунига ва ҳар куни 20 тонналаб пропан олаётганлар кимлар? Шуми бозор?