Пропан таклифи камайди ва яна нарх ошишни бошлади Кимга байрам, кимга аза. Пропаннинг кунлик таклифи ўтган ҳафтада 1 486 тоннага чиққанидан кейин 9,3 млн.сўмгача кўтарилиб кетган нархлар пасая бошлаган эди. Афсуски, кечатдан яна пропан таклифи 1 396 тоннагача тушган ва нархлар яна ўсишни бошлаган. Энергетикадаги монополистлар ва уларнинг валийнеъматларини жазосиз ва жаримасиз тузатиш қийин. Улар ўз хоҳишлари билан пропан таклифини оширмайдилар. Ўсаётган талаб шароитида пропан нархи аввал барқарорлашиши ва июнь ойи котировкаларига қайтиши учун кунлик таклиф 1 500 тоннадан камаймаслиги ва 2 000 тоннагача етказилиши керак.