Қийналганларга устозлик қилаётган ҳунарманд аёл Юқоридаги видео эътиборимни тортди, опа чиндан олқишга лойиқ. Ўзи оддийгина ҳунарманд бўлa туриб, мономарказда қийналган аёлларга устозлик қиларкан. Ҳатто ўз ҳисобидан уларга хомашё берар экан. Мақсадим шу инсонларни камбағалликдан чиқариш, дейди. Ўзи бу борада дастур ҳам қабул қилинган: “Камбағалликдан – фаровонлик сари”. Дастур ўз йўлига, у бўйича ҳам ишлар бажариляпти. Лекин бу ҳунарманд аёл ўз билганларини ўргатиб, уларни ҳам ҳунарли қилаётгани алоҳида мавзу. Масалан, эҳсон деганда биз фақат пул беришни ёки овқат тарқатишни тушиниб қолганмиз. Ҳунарли қилиш эса узоқ муддатли эҳсон. Чунки ана шу сиз ҳунар ўргатган инсон билимларингиз ортидан қанчадан қанча даромад топиши мумкин. Катта-катта тадбиркорларимиз ҳам шу аёлнинг йўлидан борса, қанча одам камбағалликдан чиққан бўларди.