Капиталбанк 1 июндан бошлаб онлайн депозитларни UzCard карталари орқали тўлдиришда 0,3% миқдорида комиссия жорий этилаётганини маълум қилмоқда. Humo va Visa карталаридан депозитларни тўлдириш ёки депозит очиш бепул. Бошқа банклар ҳам иложсизликдан шу йўлдан боришса керак. Монополияга қарши курашиш қўмитаси 26 кун аввал бозорда устун мавқега эга бўлган "Ягона умумреспублика процессинг маркази" МЧЖ томонидан тижорат банкларидан олинадиган онлайн омонатлар хизмати учун 0,25% комиссиясини ўрнатилишининг мақсадга мувофиқлигини ўрганаётганлиги эълон қилганди. Лекин ҳалигача бу масалада сукунат сақланмоқда.