Электр учун тўловни бир ойда иккига бўлиб тўлашга рухсат бериладими? Тадбиркорлик рейтингида “юқори”, “ўрта” тоифадаги корхоналарга электр учун олдиндан тўловни бир ойда иккига бўлиб тўлашга рухсат бериш бўйича топшириқ берилганди. Бюджетдан, кредитдан ва бошқалардан қарзи бор тадбиркорларни ҳисоб рақамига “инкассо” қўйилгани учун, улар электр, газ ва сувга тўлов қила олмаётгани, ишлаб чиқариш тўхтамаса, қарздорлик тезроқ узилишини ҳисобга олиб, “инкассо” бўлганда ҳам, коммунал хизматларга тўловлар тўхтатилмаслиги қайд этилганди. Давлат раҳбарининг мазкур топшириқлари ҳали норматив ҳужжатларда акс этгани йўқ ёки акс этган бўлса ҳам очиқ эълон қилингани йўқ.