Beeline Ucell ва UMS биргаликда тўлаганидан кўпроқ солиқ тўлашда давом этмоқда Қўпол қилиб айтганда, уларнинг ҳаммаси бир ғўр. Айниқса, акциз солиғи бекор қилинганига қарамай, бирин-кетин тарифларини оширишаётган экан, уларнинг ҳеч қайсиси фойдасига бирон сўз айтишга арзимайди. Лекин абонентлари сони қолган иккитасиникидан камроқ бўлган уяли алоқа компаниясининг қолган иккисининг биргаликда тўлаганидан кўпроқ солиқ тўлаши савол туғдириши керак. Ҳа, бу сафар солиқ юки қанчалик фарқли эканини кўрсатиши мумкин бўлган савдо тушумлари очиқланмаган, лекин бу ҳолат биринчи марта эмас, охирги йилларнинг давомли картинкасига айланиб бўлган. Солиқ юки турлича бўлган, кимдир истиснолар, кимдир имтиёзлар ундириб олиши мумкин маконда якуний ютқазувчи ҳар доим истеъмолчи бўлади.