IMD TBC Bank Group’нинг Грузиядан Ўзбекистонгача бўлган муваффақиятли йўлини таҳлил қилди Грузия ва Ўзбекистонда фаолият юритаётган TBC Bank Group компаниясининг ривожланиш динамикаси Швейсариянинг етакчи IMD бизнес мактаби томонидан ўрганилди. Бу IMD тарихида Ўзбекистон бизнесига бағишланган биринчи ва Марказий Осиёда иккинчи тадқиқот бўлди. "Ўтмишдаги муваффақиятни келажакка мослаш" деб номланган таҳлилда ТBC’нинг маҳаллий банкдан минтақавий лидерга айланиши жараёни, шунингдек, Ўзбекистон бозорига кириб келиш ва қисқа вақт ичида муваффақиятли рақамли экотизим яратиш тажрибаси ёритилган. Бугунги кунда TBC Uzbekistan хизматларидан 18,4 миллион мижоз фойдаланади, банкнинг соф фойдаси 41 миллион долларга етган, кредит портфели эса ҳар йили икки баробарга ошмоқда. Экспертлар фикрича, ушбу кейс ривожланаётган бозорларда молиявий хизматларни кенгайтириш бўйича муҳим ўқув материали бўлиб хизмат қила олади. Шунингдек, TBC акцияларининг Лондон фонд биржасида сотилаётгани унинг шаффоф фаолият юритиш тамойилига содиқлигини кўрсатади. Реклама