Истеъмолчиларни оқибатсиз талаётган уяли алоқа компаниялари солиқ тушумларини кескин тушириб юборишган Ўзбекистон уяли алоқа компаниялари солиқ тушумларини кескин пасайтириб юборишган. 2025 йил 9 ойи якуни билан 2024 йилнинг 9 ойига солиштирганда тўланган солиқлар: Ўзбектелеком АЖда 1 060,7 млрд.сўмдан 848,1 млрд.сўмгача; Unitel МЧЖда 474,4 млрд.сўмдан 292,1 млрд.сўмгача; Coscom МЧЖда 322,7 млрд.сўмдан 224,2 млрд.сўмгача; UMS МЧЖ 286,8 млрд.сўмдан 158,6 млрд.сўмгача қисқариб кетган. Бу ҳолат уяли алоқа компаниялари учун акциз солиғи бекор қилиниши билан боғлиқ бўлиши мумкин. Яъни алоқачилар камроқ солиқ тўлаб, кўпроқ фойда олиш имкониятига эга бўлишмоқда. Лекин афсуски, остиданам, устиданам юлиб қолишга ўрганган аждарҳо мобилчилар истеъмолчиларни ихтиёрий-мажбурий равишда қимматлаштирилган ва фойдаланилмайдиган хизматларга ундашда давом этишмоқда. Антимонополия алоқачилар қўллаётган методичкани истеъмолчини мажбурлаш ва уяли алоқа аждарҳоларининг тил бириктириши эканини жуда яхши билади, лекин ҳеч нарса қилолмайди. Назаримда, антимонополияни ҳадеб маломат қилмаслигимиз учун Рақобат қўмитаси регуляциясидан ташқари ўғри олигархлар ва очофат монополистлар рўйхатини очиқ эълон қилиб қўя қолиш керак. Шунда сўрамаймизам, куюнмаймизам. Миллий Кулфат-да, деб қўя қоламиз.