Яндекс яширин солиқ имтиёзи олдими? Беш йил давомида бир сўм солиқ тўламай ишлаган ва коппор монополист YandexGo UB МЧЖ 2025 йил 9 ойида 89,9 млрд.сўм солиқ тўлаган. Бу ўтган йилнинг шу даврига нисбатан 14,3 млрд.сўмга кам. Расмий статистика бўйича ҳам такси хизматлари 16,9%га қимматлагани (Тошкентда такси 20-25%гача қимматлаб кетган) ҳисобга олинса, монополист Яндекс тўлаётган солиқларнинг кўпайиш ўрнига камайиши жуда ғалати. Бунақа ҳолат қанақадир яширин имтиёз берилиши ёки солиқ маневри билан боғлиқ бўлиши мумкин. Солиқ маъмурчиларимиз масалан, қайсидир йирик субъектда солиқ тушуми камайиб кетса, дарҳол ўрганиш ўтказади. Чунки яширин имтиёз олволмаган бўлса, ё ниманидир яшираётган ё маневр қўллаётган бўлиши мумкин бўлади. Ўзи Яндекс фақат ҚҚС тўлайди (истеъмолчилар бўйнига илинган), ҳалигача бу айрим чиновникларнинг эркатой конторасига фойда солиғи тўлатишнинг уддасидан чиқа олганимиз йўқ. Яндекс масаласида яна Рақобат қўмитаси қиладиган ишлари ҳам жуда кўп. Ҳалигача Яндекснинг тиғиз пайтлар учун ўртамчи комиссияларига чекловлар қўйилгани йўқ. Олдинда эса нархлар сунъий ошириладиган куз-қиш келаяпти.