Янги замонда Марказий банкдан очиқроқ институт бўлмаса керак, деб ўйлайман. Лекин очиқликнинг бадали, тўлови ҳам бор. Саволлар кўпаяди. Ҳар бир очиқ маълумот ундан ҳам кўпроқ маълумотни очиқлашни ва зарур бўлса изоҳлашни, исботлашни, лозим бўлса ўзликка қарши боришни талаб этади. Асосий ставка бўйича қарор ва янги оқилона фоиз сиёсатини юритишни рағбатлантириш чоралари эълон қилинган 11 июндан буён 30 кунгача бўлган банклараро депозитланинг фоиз ставкаси 17,5%дан пастга тушмади. Охирги уч кунда бу ставка 20%дан пастга тушмаяпти. Эътибор қилинг, бу миллий валютадаги энг кам рискли ва йўқотишлар эҳтимоли минималлашган воситанинг нархи. Мустақил Ўзбекистон тарихида қисқа муддатли банклараро депозитларнинг қайтмаганлик ҳолати бирон марта юз бермаган. Шу воситанинг бозор баҳоси -20%! Яна 8 кундан кейин бизнесга ажратиладиган ва қайтмаслик риски банклараро депозитлардан бир неча карра юқори бўлган кредитларнинг мақбул ставкаси 21% бўлган қоидалар кучга киради. Энди ўйланг, савол беринг, қайси банк 1% фарқ учун каррасига юқори бўлган риск ҳудудига ўз инон-ихтиёри билан киради? @the_bakiroo