Депозитлар ставкалари янги эпохадаги энг юқори даражага чиқди, кредитлар ставкалари бироз пасайди 1 июль ҳолатига чакана депозитларнинг ўртача ставкаси 21%гача (+0,2%), корпоратив депозитларнинг ўртача ставкаси 17,7%гача (+0,5%) кўтарилган. Бу янги давр бошланган буён кузатилган энг юқори ставкалардир. Кредит ставкалари эса аксинча, бироз пасайган ва 22,8%ни ташкил этган (-0,2%). Хусусан, чакана кредитларнинг ўртача нархи 23,3% (-0,2%), корпоратив кредитларнинг ўртача нархи эса 22,4%дан(-0,3%) иборат бўлган. Демак, июнда асосий ставканинг пасайтирилиши депозитлар нархига таъсир кўрсатмаган, лекин кредитлар нархида из қолдирган (қатор кредитлар ставкаси асосий ставкага боғланган). Табиийки, бу кейинги ойларда банкларнинг кредит маржаси пасайиб бориши билан оқибат яратади. Дарвоқе, эртага 21 июль куни Марказий банк бошқарувининг навбатдаги таянч йиғилиши бўлиб ўтади. Унда хусусан, асосий ставка билан бирга Марказий банкнинг ўрта муддатли макроиқтисодий прогнозларини янгилаш масаласи кун тартибига киритилган.